Kur ju mendoni se jeni të mbërthyer në mendimet dhe emocionet negative, një nga mënyrat më të mira për të përmirësuar shëndetin tuaj mendor, të shpëtoni nga ndjenja e asfiksimit ose me qëllim që të kontrolloni emocionet tuaja, është që të bisedoni me zë me veten.
Psikologët rekomandojnë që biseda me veten, në lidhje me atë që mendojmë dhe përjetojmë është e nevojshme që të praktikohet sa më shpesh që të jetë e mundur. Ndoshta shumë mendojnë se do të ndihen çuditshëm që të flasin me vete me zë, por do të ndryshojnë mendimin kur kështu të fillojnë të lirojnë emocionet negative. Të pyeturit e vetes dhe kthimi i përgjegjeve me zë, në fakt ndihmon në trajtimin me një situatë apo një problem, që çon deri te marrja e një vendimi, thonë psikologët.
“Bisedat me vete ose me personin e tretë të imagjinuar i bëjnë njerëzit të mendojnë për veten e tyre në mënyrën se si mendojnë për të tjerët. Kjo u ndihmon atyre që të distancohen nga problemet dhe përvojat e veta, e që shpesh mund të jetë e dobishme për kontrollin e emocioneve”, tha Jason Moser, një profesor në Universitetin e Miçiganit, ku u zhvillua hulumtimi psikologjik mbi bisedën me veten.
Një ekip studiuesish, hulumtimi i të cilëve është publikuar në Scientific Reports ka kryer një eksperiment, gjatë të cilit, pjesëmarrësit së pari kanë menduar, dhe pastaj kanë folur për të kaluarën e dhimbshme, ndërsa hulumtuesit e tyre kanë monitoruar aktivitetin e trurit me MRI. Rezultatet treguan se në trurin e pjesëmarrësve u zhvillua më pak aktivitet teksa kanë folur me zë në lidhje me problemet e tyre, sesa gjatë kohës sa kanë menduar. /tesheshi.com/
