Fondi Monetar Ndërkombëtar bën të ditur se bizneset e mëdha, të cilët operojnë në qarqet e larta të politikës në Shqipëri janë edhe evazorët e mëdhenj.
Në një publikim të fundit, FMN bën të ditur në në një kontroll rutinë ku nga një kampion i përzgjedhur biznesesh është konstatuar se evazioni flagrant i gjetur ka qenë 1.1 miliardë lekë. Më saktë, kanë qenë në 8 biznese të ashtuquajtura “VIP”, ndër 200 bizneset e mëdha në vend.
Sipas raportit, deri më 8 mars të këtij viti, janë kryer kontrolle te 1358 subjekte të TVSH-së, ku janë konstatuar se janë futur shtesë në buxhetin e shtetit 2.9 miliardë lekësh.
Raporti evidenton se pjesa dërrmuese e evazionit ,ose 1.5 miliardë lekë nga totali i shumës janë gjetur te kontrollet e bizneseve që operojnë në Tiranë dhe pjesa tjetër prej 400 milionë lekë në qytetet e tjera të vendit.
Shifrat tregojnë gjithashtu se 1.1 miliardë lekë janë gjetur nga zyra e bizneseve të mëdha, të njohur ndryshe si VIP-at në 8 raste nga një total prej 15 bizneseve të kontrolluar. /tesheshi.com/
