Misioni i Fondit Monetar Ndërkombëtar (FMN) dha “dritën jeshile” për ndarjen e 530 milionë eurove për Maqedoninë e Veriut përmes linjës paraprake dhe likuiditetit (PLL) brenda 24 muajve, konfirmoi Ministria e Financave e Maqedonisë.
Pas miratimit përfundimtar të këtij instrumenti nga Bordi i Drejtorëve të FMN-së, i cili pritet gjatë muajit, Maqedonisë së Veriut do t’i vihen menjëherë në dispozicion 110 milionë euro për të financuar nevojat buxhetore dhe për të përballuar më lehtë goditjet nga kriza e energjisë dhe ajo e çmimeve.
Mbështetja e likuiditetit të ekonomisë
Vihet re se vetë qëllimi i këtij instrumenti është të sigurojë mbështetje likuiditeti për ekonomitë e shëndetshme në kohë tronditjesh dhe krize, siç është situata aktuale globale.
“Në deklaratën e Misionit të FMN-së, i jepet mirënjohje përpjekjeve të qeverisë për zbatimin e mëtejshëm të konsolidimit fiskal, si dhe reformave të financave publike, mbi të gjitha Ligjit të ri të Buxhetit dhe rregullave fiskale që do të kontribuojnë në këtë drejtim” thuhet në Ministrinë e Financave të Maqedonisë së Veriut. /tesheshi.com/
