Bordi i drejtorëve të Fondit Monetar Ndërkombëtar, kanë paralajmëruar qeverinë shqiptare që të mos e zgjerojë koncensionin në sektorët e shërbimeve bazikë siç janë mbledhja e taksave apo TVSH-ja.
Kreu i bordit, David Lipton, në një deklaratë për mediat pas takimit tha se “Perspektiva afatmesme mbetet e favorshme, nëse vrulli i reformave do të ruhet. Angazhimet e autoriteteve për zbatimin e reformave strukturore, fiskale ambicioze dhe të vështira, janë të lavdërueshme. Megjithatë, disa reforma të tjera kritike për përmirësimin e mjedisit të biznesit kanë mbetur mbrapa”.
FMN i ka kërkuar Ramës të mos përjashtojë kategori biznesi nga taksat siç ka bërë me biznesin e vogël.
Lipton tha se “Rreziqet fiskale nga koncesionet apo partneriteti privat-publik duhet të kufizohen, duke bërë për secilin një analizë kosto-përfitim dhe duke pasur transparencë në përputhje me normat ndërkombëtare”.
/tesheshi.com/
