Është realizuar mëngjesin e ksaj të shtunë fluturimi i parë i avionit të parë të Air Albania-s, kompanisë së re të aviacionit civil shqiptar, themeluar nga Turkish Airlines, fryt i përzgjedhjes së Turqisë si partneri nr.1 strategjik i Shqipërisë nga ana e kryeministrit Rama sapo erdhi në pushtet.
Ka qenë Airbus-i me emrin e Lasgushit ai që ka marrë në bord 80 studentë të ekselencës, në atë që konsiderohet një udhëtim testuese, që të tilla do ketë disa deri në nisen e fluturimeve normale me pasagjerë të rregullt. Do jenë dhe dy avionë të tjerë të flotës së parë të Air Albania, në startin e saj si kompani e re, të cilat do të mbajnë emrat e Nolit dhe Migjenit. Italia dhe Turqia dhe Anglia do jenë destionacionet e para të fluturimeve për t’u zgjeruar kohë pas kohë, shoqëruar dhe me shtim flote, deri në kalimin tej Atlantikut, me vendosjen e linjës direkte Tiranë – Nju Jork.
“Këtë fluturim të parë të muajit të testit e bëjnë studentët dhe maturantët e ekselencës, është një fluturim simbolik. Gjatë gjithë muajit do të ketë disa të tillë. Arsyeja se përse na shkoi mendja te ju, është sepse jeni, fytyra e ndritur e gjeneratës tjetër dhe meritoni që të keni të gjithë vëmendjen dhe respektin dhe njëkohësisht edhe një dhuratë simbolike për gjithçka keni bërë. Erdha vetëm të përcjell grupin tuaj dhe jam i bindur jeni këmba më e mbarë për kompaninë tonë të flamurit”, ishin fjalët e kryeministrit Rama, thënë për pasagjerët e parë.
Shefi i qeverisë shqiptare e bëri me dije themelimin e Air Albania-s ç’prej dy viteve më parë. Siç e ka pranuar dhe ai vetë, kjo kompania është deri më sot investimi më i madh dhe më i rëndësishëm i qeverisjes së tij.
Air Albania do mundësojë ulje të çmimeve të biletave dhe një shërbim shumë më cilësor se i kompanive të tjera. Në planin ekonomik, llogaritet që me Air Albania-n, 500 milion euro bileta në vit që shkonin jashtë Shqipëisë, të mbeten në Shqipëri.
Ndërkohë, themelimi i kësaj kompanie u ka rezistuar presioneve të ndryshme politike diktuar nga hyrja në treg e një linje të re. Përgjatë dy viteve, aktorë rajonalë gjeopolitikash edhe ekonomike, janë investuar fuqishëm për të penguar hyrjen në treg të Air Albania-s, aq më tepër si “bijë” e Turkish Airlines. /tesheshi.com/
