Kryeministri Rama ka prezantuar ‘Migjenin’, avionin e Air Albanias që pritet të nis fluturimet drejt Italisë, duke thënë se së shpejti do jetë dhe ‘Noli’ drejt SHBA.
“Pas ‘Lasgushi’ që mbulon Stambollin, ja edhe ‘Migjeni’, avioni i dytë i flotës së Air Albanias që do të fluturojë në fillim vjeshtë drejt Italisë. Boeing 737 i vitit 2016, me shërbim të standarteve të larta nga trupa shqiptare e stjuartëve, që nga ushqimi në bord që ishte harruar prej shumë vitesh për udhëtarët e Rinasit dhe me televizor për çdo pasagjer, si asnjëherë më parë.
Tani vazhdoni shani e përqeshni që mos na marrin më sysh, ndërkohë që “Naimi” do t’i shtohet flotës në fund të vitit për destinacione të tjera europiane dhe më tej, do të vijë ‘Noli’ për linjën direkte Shqipëri-Amerikë.
Gur gur bëhet mur, mur pas muri bëhet kalaja thotë Populli, po normal që çdo popull ka të paduruarit e të pagdhendurit e vet, kështu që rroftë puna se ajo mbetet, ndërsa llafet lum kush i duron deri kur t’i marrë era”, shkruan Rama. /tesheshi.com/
