Presidenti i Real Madrid, Florentino Perez ka ironizuar rivalin e përjetshëm, Barcelonën gjatë një debati në Radio Cope të Spanjës. Numri një i klubit mbretëror në pyetjen e parashtruar nga panelistët se Barcelona ka tituj më shumë se Reali, ka replikuar shumë shpejt: “Nuk luajmë në trofe që nuk ia dimëas emrin. Kjo mund të jetë arsyeja”.
Perez ka folur për herë të parë edhe për dështimin e transferimit të portierit spanjoll David de Gea nga Manchester United. “Real Madrid ka bërë punë të mirë në transferimin e De Geas kurse Manchester United jo”. A i keni thënë De Geas që mos të rinovojë kontratën!? “Jo, sepse është shumë e vështirë për një lojtar të qëndrojë në stol për një vit. Ne kemi pasur një kompromis me De Gean para se Navas të transferohet tek ne. Kompromisi ka qenë që United të na japë mundësinë që të nënshkruajmë me të. Në orën 12:00, ata na kanë thënë se do të negociojnë për De Gean. Ne e kemi bërë pjesën tonë në vetëm 15 minuta kurse Manchester United në 8 orë. Nuk është e vërtetë që ka pasur tarifë dënimi për ne nëse nuk nënshkruajmë me De Gean. Ne nuk do përpiqemi që të nënshkruajmë me të në janar. Askush nuk mund të tallet me ne, ne gjithmonë kemi pasur probleme me United me transferimin e lojtarëve”, theksoi presidenti madrilien.
Ndërkohë, Perez nuk u la pa u pyetur lidhur me futbollistin më të mirë që ka në organikë, Cristiano Ronaldo. Do të vazhdoj Cristiano në Madrid sezonin e ardhshëm !? “Jetës asnjëherë nuk i dihet, por ne duam që ai të qëndroj këtu dhe të përmbush kontratën. Është e pamundur një Real Madrid pa Cristiano Ronaldon. Ai është lojtari më i mirë në botë dhe unë e preferoj atë përpara Leo Messit. Nëse PSG dëshirojnë ta transferojnë atë, është shumë e thjeshtë, të paguajnë klauzolën e tij prej 1 miliard euro dhe ai është i tyri”, përfundoi Florentino Perez. /tesheshi.com/
