Në xhaminë kur shërben hoxha Fatmir Latifaj në Mitrovicë, gjithçka është e qetë. Edhe vetë ai vijon detyrën e tij të përditshme. Përfolja e emrit të tij ditët e fundit nga një person i kthyer nga Siria, por i publikuar vetëm me iniciale, i cili ka përmendur ligjëratat e hoxhës si një indicie për rrugën drejt asaj toke të trazuar e që po noton në gjak ç’prej 5 vitesh, ngjan më tepër sikur të jetë një shaka, një humor i trepruar i këtyre kohrave nga ndonjë i ngeshëm. Kjo më e pakta. Më e shumta, është një dashakeqësi e qëllimshme dhe tejet kurajoze në marrësi e mbapshti.
Si hoxhës Fatmir e si xhematit i tij, jua ka prishur pak terezinë ajo përfolje në media, së cilës zgjedhin t’i përgjigjen, edhe pse me pak drojë, pasi nuk duan t’i fryëjnë një zjarri që ndokush kërkon ta ndezë, aq më tepër kur “drutë mediatikë” qëllimkëqinj, janë gati për t’ndezur…
Si u ndjetë kur lexuat emrin tuaj në media si frymëzues të një të kthyeri nga Siria që paska ndjekur ligjëratat tuaja dhe të hoxhës nga Tirana, Ahmed Kalaja?
Unë si Hoxhë dhe si ish-luftëtar i lirisë, njëherit invalid i UÇK-s dhe figurë publike, mundohna dhe vazhdoj të punoj që nivelin e vetëdijes tonë fetaro-kombëtare ta avancoj dhe çdo dukuri negative ta izoloj, ta sqaroj, dhe në të njëjtën kohë, nese kam mundësi ta pengoj.
Ajo që ditëve të fundit ma ka prish terezinë është lakimi i emrit tim nga disa portale për gjoja frymëzimi të një të riu për të shkuar në Siri, për të luftuar atje. Realisht, nuk e kam idenë kush është ai person qe apostrofohet me iniciale, e as çka ka deklaruar ai në gjykatë. Mund edhe të ketë deklaruar diçka të tillë, me qëllim të caktuar apo tendencë. Fundja, organet e drejtësisë le të merren me vërtetësinë e asaj deklarate, por është zhgënjyese që disa media, që deklarativisht i kanë shpallë luftë “izmave” të ndryshme, të raportojnë me kaq tendencë dhe joprofesionalisht, duke lakuar emrin tim në tituj e nëntituj, duke lënë të kuptohet se u zbulua rekrutuesi, e ai qenkam unë. A thua, në shërbim të kujt janë vënë këta “gazetarë”? A i kanë shpallë luftë ekstremizimit, apo atyre që e luftojnë atë, si në rastin tim?! Apo ndoshta është fushatë e ultë qërimi hesapesh në mjegull për të eliminuar figura, për të rrënuar kontribute dhe për të larguar pengesa nga rruga e ekstremistëve të të gjitha llojeve e ngjyrave?!
Me një fjalë veprimtaria ime e ndërtuar me mund e ndjersë dhe me sakrifica prej natyrave më të rënda, nuk e ka meritu një gjë të tillë.
Çfarë thatë me vete për momentin,që kjo është diqka e sajuar, apo se deklaruesi i paska kuptuar përsëprapthi ligjërimet tuaja fetare?
Vërtet shumë e ndjeva vetën ne siklet dhe thashë se në fillim e mbarim është e sajuar, montuar dhe aspak nuk ka të bëjë me realitetin. E luta Zotin qe të dalë fitimtarë e faqebardhë në këtë sprovë, se besën All-llahut i`a kam dhënë që veprimtaria ime do të jetë në shërbim të së vërtetës së mirëfilltë e cila është prezente falë Zotit edhe tek ne, populli shqiptar.
A e keni përmendur ndonjëherë Sirinë gjatë ligjëratave?
Po, por gjithëmonë duke e sqaru xhematit që konflikti nq Siri është larg prej vendit tonë dhe si i tillë prej nesh nuk mvaret asgje, nuk kemi mundësi e as nevojë qe të rinjtë tanë të jenë pjesë e atij konflikti. Lutja jonë tek All-llahu është që populli sirian të gjejë paqen, sigurinë, dhe të kthehet i qetë në trojet e veta.
Çfarë do i thoshit një besimtari që e ka mendjen me shku në Siri?
Opinionet tona janë të qarta nëpër ligjërata tona, andaj edhe nëpërmjet kësaj interviste ju bëj ftesë publike që rinia rojnë t’i kthehet punës, arsmimit dhe vendit të vet, duke kontribu për përparimin e tij.
Cili është problem më i madh me ata që kanë marrë rrugën drejt Sirisë?
Problemi i tyre është problem i cili lidhet me nivelin e ulët të edukimit. E kaluara e tyre shumë e varfër në aspektin moral, ndoshta edhe ekonomik; ka mungesë vizioni për të ardhmen dhe një vetëkënaqsi pa kuptim për nivelin e shërbimit ndaj një “KAUZE” ,e cila realisht nuk egziston. Qysh ka mundësi pra që kur elita e komunitetit islam në botë është kundër veprimtarisë së kësaj organizate famëkeqe, ISIS-it, e në të njëjtën kohë disa të rinjë tanë ta sfidojnë dijen, përvojën dhe trimërinë e elitës akademike të botës Islame?! Është vërtet për keqardhje!
Dhe ç’thonë dhe disa xhematlinj për hoxhën e tyre Fatmir:
Si e keni përjetuar daljen e emrit të hoxhës nga një i kthyer nga Siria?
Fitimi: Nuk m’ka ardh mirë për faktin se hoxha i ynë i nderuar asnjëherë nuk ka thirr që t’i bashkohemi luftës në Siri. Andaj, kjo është një shpifje dhe keqpërdorim i emrit të hoxhës tonë për qëllime të caktuara nga ata qe e kanë përmend.
Çfarë u ka predikuar hoxhë Fatmiri në ligjërata?
Selamiu: Ligjëratat e hoxhës janë të njohura botërisht që thërrasin në paqe, dashuri, e mbi të gjitha në atdhedashuri, që ky hoxhë ka jap çdo gjë për Kosovë duke na thirr edhe neve si xhemat që fenë tonë islame ta mbajmë dhe praktikojmë si është më së miri në Kosovën tonë, e asnjëherë s’ka ndodhë që hoxha me thirr në ekstremizëm, qoftë fetar apo kombëtar.
Cili eshte mendimi juaj per hoxhe Fatmirin?
Idrizi: është një burrë i formuar dhe i edukuar, aq shumë sa që Kosovës i dha aq shumë duke mos kursyer as veten e tij gjatë luftës kur ishte pjesëtar i Ushtrisë Çlirimtare të Kosovës. Dhe sot ai vazhdon të kontribuoj në shumë fusha, e në veçanti në pajtimin e gjaqeve dhe mosmarrveshjeve të shumta që janë mes popullit tonë. Andaj, unë si xhemat i tij e lus Allahun që t’i japë jetë e shëndet, që ta vazhdoj kontributin e tij për këtë vend. /tesheshi.com/
