Artan Grubi, eksponent i BDI-së, është ndër ata figura politike në Maqedoni që po shenjohet nga opinioni si i mangët në gjykim. Tashmë, çdo fjalë e dalë prej tij përbën një arsye për t’u marrë seriozisht si problem i tij i thellë defiçence e jo vetëm kulturore.
Së fundi, në kuadër të fushatës elektorale në Maqedoni, ai ka akuzuar Lëvizjen BESA, rivalen kryesore të partisë së tij, si një “parti euroaziatike”, por përgjigja që ka marrë nga një studiues e publicist, e dërrmon intelektualisht.
Ja sqarimi i bërë nga Muhamed Jashari, i cili njëherësh i vjen në ndihmë Grubit për të mësuar se çfarë kuptimi ka ajo që thotë, pasi ka rënë preh e paradigmës “flet goja para mendjes”.
Parti EuroAziatike” ç’është kjo!?
Euroazia nuk përfshinë vetëm vendet aziatike. Në “Tabelën e Madhe të Shahut” Zbigi pohon se Euroazia është një koncept që përfshinë rajonet nga Lisbona e gjer në Vladivostok.
As njohësit e Sociologjisë së Partive Politike, si Sartori, Goati Kirschaemeri, e LaPalombara në veprat e tyre nuk kanë tipizuar e as përmendur “parti të profilit euroaziatik”.
Nëse me parti të tilla nënkuptohen partitë me sfond religjioz atëherë edhe CDU-ja e Gjermanisë, Konservatorët e Italisë e Francës duhet quajtur parti “euroaziatike”.
Kjo ngase krishterizmi që është vlerë në partitë e këtyre vendeve, u lind pikërisht në truallin e Lindjes së Mesme, në Betlehem, pra afër vendlindjes së Islamit.
Por në qarqet Evropiane partive të tilla askund nuk u jepet një kategorizim i tillë.
Termi “Integrim Euroaziatik” u projektua në Rusi dhe synonte që ish vendet Sovjetike t’i fut nën orbitën e Moskës. Sesa Moskofile ishte qeverisja e kaluar nuk do as mend as kalem.
Tek ne termi “parti euroaziatike” u shpik nga injorantët të cilët nuk njohin as Euroazinë, as konceptin parti politike as religjionin e hiç më shumë Islamin. /tesheshi.com/
