Flamuri i Kosovës është ngritur në Pyeongchang të Koresë Jugore, ku do të mbahet Lojërat Olimpike Dimërore. Publikimin e fotografisë ku shihet flamuri i Kosovës e ka bërë ministri i Jashtëm Behegjet Pacolli.
“Flamuri i Kosovës për herë të parë në histori të saj të Lojërave Olimpike Dimërore është ngritur në Pyeongchang të Koresë Jugore”, shkruan Pacolli në rrjetet sociale.
Kosova në këto lojëra prezantohet me vetëm një sportit, skitarin Albin Tahiri. Suksese këtij të fundit i ka uruar edhe kampionia olimpike, Majlinda Kelmendi.
Kampionia olimpike, Mjalinda Kelmendi përmes një videoje ka një mesazh për skiatorin, Albin Tahiri.
“Përshëndetje, kur mora lajmin se Kosova do të jetë pjesëmarrëse në Lojërat Olimpike Dimërore këtë vit u ndjeva shumë mirë. Do të përfaqësohet me vetëm një garues, Albin Tahiri. Kështuqë Albinit i dëshiroj shumë suksese, e di që ke shumë përgjegjësi shumë të madhe. Do të jesh edhe bartës i flamurit. Mirëpo shijoje deri në maksimum këtë eksperiencë. Besom që është diçka që ndodh vetëm një herë në jetë. Të uroj suksese dhe ndjehu krenar për shtetin që e përfaqëson”, thuhet në mesazhin e Mjalindës.
Lojërat Olimpike Dimëore priten të fillojnë nga data 9 shkurt deri më 25 shkurt. /tesheshi.com/
