Ndryshimi i destinacionit të Kripores së Ulqinit, përveç dëmeve të tjera mund të shkaktojë edhe një problem jo vetëm ambiental, por edhe turistik.
Ekosistemi që ka krijuar kriporja prej vitesh, ka bërë që në lagunën artificiale të kripores të shfaqet një specie shumë e rrallë për një vend mesdhetar siç është Ulqini: flamingot.
Shpendi i spikatur për bukurinë e tij jeton kryesisht në Afrikë dhe ka mijëra turistë që si destinacion kanë pikërisht shijimin e pamjes së rrallë të flamengos.
Por, që prej krijimit të Kripores së Ulqinit, flamengot kanë shtegtuar në qytetin e njohur dhe kanë krijuar folenë e tyre. Nga muaji shtator deri në fund të dhjetorit por edhe më pas, rreth 450 deri në 2.500 ekzemplarë të flamengove shtegtojnë në Kriporen e Ulqinit.
Ky numër varion në varësi prej periudhës vjetore dhe në bazë të kripshmërisë së ujit. Nëse Kriporja funksionon vijnë eksemplarët e shpendit të rrallë, sepse ata preferojnë ujin e kripur.
“Nëse ekosistemi i ujit me kripë do të zëvendësohej me atë me ujë të ëmbël atëherë flamingo në Ulqin nuk do të ketë”, bëjnë të ditur specialistët e kësaj fushe rreth pranisë së flamingove në Kriporen e Ulqint.
Kriporja e Ulqinit është e vetmja fole e flamingove në bregun lindor të Adriatikut dhe kjo është shumë e rëndësishme për turizmin. /tesheshi.com/
