Një shkollë fshati, tipike nga ato që mezi mbahen në këmbë e ku ndjekin mësimin shumë pak fëmijë, është shkrumbuar tërësisht nga flakët.
Siç njofton policia e qarkut Dibër, bëhet fjalë për godinën njëkatëshe që shërbente si shkollë fillore e fshatit Lladomoricë në Ostren të Bulqizës.
Nga të dhënat e para mësohet se ka qenë çatia ajo që ka marrë flakë fillimisht, duke u pasuar më pas nga e gjithë godina. Si arsye është dhënë shkëndija elektrike.
Për shkak të sezonit të pushimeve, aty nuk ka qenë prezent asnjë frymë njerëzore, gjë që është konsideruar fat. /tesheshi.com/
