Kreu i ri i Kishës Ortodokse Serbe, patriarku Porfiri mbajti predikimin (fjalimin) e parë pas fronëzimit në Kishën Katedrale në Beograd.
Në fillim, ai tha se shërbimi i tij “nuk do të ndjekë rrugët e interesave të pjesshme, as nuk do të përmbajë elemente të tjetërsimit modern dhe përfshirjes së pjesshme në politikë”. Ai do të përpiqet, siç tha, të ushqejë shpirtin pajtues.
“Politika moderne shpesh mbart shumë shqetësime dhe luftë të grupeve që bashkohen për hir të rivalitetit ndonjëherë të ndërsjellë dhe unë nuk e shoh këtë si politikë si kuptimin origjinal të kësaj fjale,” tha Porfirit.
Por ai arriti të thoshte se Kosova është “për ne një besëlidhje, e cila është e lidhur me Dhjatën e Re”.
“Prandaj Kosova është një mit për ne, kordoni i kërthizës që na lidh me djepin tonë historik shpirtëror, thelbin e identitetit tonë, Kosova është në ne, në shenjtorët tanë, në cirilikë”, tha kreu i ri i Kishës Ortodokse Serbe, i cili zëvëndësoi në këtë post Irinejin që u shua nga COVID-i.
Ai gjithashtu premtoi se do të vazhdonte t’i shërbente njerëzve të tij gjithashtu në Kroaci. “Kroacia është bërë atdheu im i dytë dhe njerëzit që takova atje do të mbeten një model për mua në vitet që vijnë. E njëjta gjë vlen edhe për Slloveninë. Të njëjtin kujdes meritojmë unë dhe të gjithë ne dhe të gjithë në Maqedoninë e Veriut, të cilët kanë mbajtur faltore të mëdha për shekuj”, tha patriarku Porfiri. /tesheshi.com/
