Megjithë vendimin e Presidentit Donald Trump për të ndërprerë lidhjet me Organizatën Botërore të Shëndetit (OBSH), Shtetet e Bashkuara vazhdojnë të punojnë me organizatën në baza ditore, tha të martën një zyrtar i lartë shëndetësor.
“Nuk jam udhëzuar të tërhiqem”, tha Zv.Sekretari amerikan i Shëndetësisë, Brett Giroir, i cili është edhe anëtar i komitetit ekzekutiv të OBSH.
“Me siguri do të ketë mbledhjen e ardhshme të Këshillit Ekzekutiv në tetor dhe besoj se ne do të vazhdojmë të punojmë me OBSH si anëtare e saj për sa i përket standardeve të shëndetit publik,” shtoi ai.
Giroir saktësoi se amerikanët kishin marrë pjesë tashmë në takimin e zhvilluar dy ditë më parë.
“Ende nuk kam marrë ndonjë udhëzim nëse do të mbetemi anëtar i (OBSH), apo nëse do të shkoj në bordin ekzekutiv,” tha ai.
Trump tha në 29 maj se, “pasireformat e nevojshme dhe të kërkuara nuk janë bërë, sot ne jemi duke ndërprerë marrëdhëniet tona me OBSH dhe duke i drejtuar ato fonde drejt nevojave të tjera urgjente globale të shëndetit publik që e meritojnë atë.”
Ky vendim u dënua nga bashkësia ndërkombëtare, veçanërisht pasi Uashingtoni siguron 15 përqind të buxhetit të agjencisë shëndetësore të Kombeve të Bashkuara. /tesheshi.com/
