Fjalët e Charles Michel-it që zemëruan ambasadorin rus

Ambasadori rus në OKB, Vassily Nebenzia largua nga një takim i Këshillit të Sigurimit të OKB-së pasi presidenti i Këshillit Evropian Charles Michel fajësoi pushtimin rus të Ukrainës për provokimin e një krize globale ushqimore.

You may leave the room, maybe it's easier not to listen to the truth, dear Ambassador #Nebenzia @RussiaUN@UN #SecurityCouncil #UNSC pic.twitter.com/aeb1OF4y6T

— Charles Michel (@eucopresident) June 6, 2022

Charles Michel tha se Rusia po përdor furnizimet ushqimore si “raketa sekrete” kundër botës në zhvillim, duke i shtyrë njerëzit në varfëri. Nga ana tjetër, ambasadori rus Vassily Nebenzia akuzoi Michel për përhapjen e gënjeshtrave.

Lufta ka lënë tonelata ushqime të ngecura në portet e Ukrainës. Ukraina është një eksportues kryesor i vajit ushqimor, si dhe i drithërave si misri dhe gruri. Rusia eksporton gjithashtu sasi të mëdha drithërash si dhe plehra. Mungesa e këtyre eksporteve ka shkaktuar rritje të çmimeve të produkteve bazë.

The Kremlin is using food supplies as a stealth missile against developing countries.

This is driving up food prices, pushing people into poverty, and destabilising entire regions.

Russia is solely responsible for this food crisis.

Despite its campaign of lies.@UN #UNSC pic.twitter.com/luL28xXUWB

— Charles Michel (@eucopresident) June 6, 2022

“Zoti ambasador i Federatës Ruse, le të jemi të sinqertë: Kremlini po përdor furnizimet ushqimore si një ‘raketë të fshehtë’ kundër vendeve në zhvillim”, tha Michel gjatë një takimi të Këshillit të Sigurimit në Nju Jork.

“Pasojat dramatike të luftës ruse po përhapen në mbarë botën dhe kjo po rrit çmimet e ushqimeve, po i shtyn njerëzit në varfëri dhe po destabilizon rajone të tëra. Rusia është e vetmja përgjegjëse për këtë krizë ushqimore”, shtoi diplomati i lartë europian

Michel theksoi se kishte parë personalisht miliona tonë drithë të ngecur në portin ukrainas të Odessa-s për shkak të bllokadës detare të kryer nga Rusia. Michel akuzoi gjithashtu Rusinë për vjedhjen e grurit dhe parandalimin e mbjelljes dhe korrjes së të korrave në Ukrainë për shkak të aktiviteteve ushtarake atje.

Komentet e tij bënë që Nebenzia të dilte me nxitim nga salla. Teksa po largohej, Michel iu drejtua drejtpërdrejt: “Mund të largohesh, mund të jetë më e lehtë të mos dëgjosh të vërtetën”. Nebenzia i tha Reuters se nuk mund të qëndronte për shkak të “gënjeshtrave që Charles Michel erdhi këtu për të shpërndarë”.

Në një takim të veçantë, Sekretari Amerikan i Shtetit Antony Blinken tha gjithashtu se Rusia po bllokon eksportet e grurit të Ukrainës dhe akuzoi forcat ruse për shkatërrimin e infrastrukturës bujqësore të Ukrainës. Duke folur gjatë një tryeze virtuale me filantropë, OJQ dhe entitete të sektorit privat, Blinken tha:

“Ka diku rreth 20 milion ton grurë të bllokuar në kapanone afër Odessa-as, në anije që janë plot me drith”.

Ashtu si Michel, ai tha se ka raporte të besueshme se Rusia po “vjedh” grurin ukrainas për ta shitur atë për përfitimin e vet. /tesheshi.com/