Pas fitores me Shqipërinë, Italia do të jetë mes 4 skuadrave që konsiderohen kryesuese e që nuk ndeshen me njëra-tjetrën në shortin e play off.
Në këtë mënyrë, në shortin “e të dytave” që hidhet në 17 tetor, Italia do të shmangë skuadrat e rrezikshme, e mund të ndeshet me kundërshtarë më të “kalueshëm”, për të hyrë në Botërorin Rusi 2018.
Thënë kjo, e nisur nga situata aktuale e grupeve kualifikuese, axurrët mund të luajnë në play off me njërën mes Irlandës së Veriut dhe Republikës së Irlandës, Suedinë, Danimarkën ose Greqinë. Secila prej tyre, shihet si inferiore ndaj Italisë, e cila siguroi këtë lloj shorti, vetëm se fitoi në Shkodër me Shqipërinë.
Në njëfarë mënyre, për atë pjesë të tifozëve që nuk mund ta mendojnë një Botëror pa Italinë, më mirë që fqinjët na mundën, se nuk do kishim asnjë skuadër nga të dëshiruarat në Rusi. /tesheshi.com/
