Sebastian Kurz do të jetë kancelari i ri i Austrisë pasi partia e drejtuar prej tij fitoi zgjedhjet e sotme parlamentare.
Pas shpalljes së rezultateve, kreu demokrat Lulzim Basha ka bërë të ditur se ka uruar mikun e tij për fitoren, duke shtuar se me kancelarin Kurz Shqipëria do të ketë vëmendjen dhe mbështetjen më të fuqishme në sfidat jetike të demokracisë dhe integrimit europian.
“Sapo urova mikun tim, kryetarin e Partisë Popullore Austriake, Sebastian Kurz për fitoren në zgjedhjet e sotme parlamentare. Fitorja e tij pas nje beteje të fortë dhe fushate të shkëlqyeshme është një lajm i mirë për Austrinë, Europën dhe familjen tonë politike EPP”, shkruan Basha./tesheshi.com/
