Presidenti Meta ripërsëriti premtimin e tij se me 26 prill do japë dorëheqje nëse Rama fiton zgjedhje të rregullta.
“Nëse kjo shumicë konfirmohet pa prekur votën, presidenti jep dorëheqjen më 26 prill.
Të jenë të qartë të gjithë, presidenti do të shkojë në të gjithë Shqipërinë me këto mesazhe: Qytetarët duhet të ndërgjegjësohen se në demokraci, fuqia e tyre është vota”, tha kreu i shtetit, i rreshtuar tashmë hapur si palë në zgjedhjet e pritshme, duke bërë fushatë kundër qeverisë.
“Për mua ka rëndësi të ringjallet besimi tek demokracia. Presidenti nuk do të fshihet kurrë nga një sfidë e madhe, angazhimi për të ndalur çdo përpjekje që synon të vrasë demokracinë”, tha Meta në një takim me përfaqësues të shoqërisë civile, duke trajtuar me ta temën e zgjedhjeve. /tesheshi.com/
