Finlanda do të marrë një vendim për aplikimin për anëtarësim në NATO më 12 maj, njoftuan gazetat finlandeze, duke cituar burime anonime në qeveri.
Vendimi për t’u bashkuar do të vijë në dy hapa atë ditë. Presidenti finlandez Sauli Niinisto fillimisht do të miratojë hyrjen në Aleancën e Atlantikut të Veriut dhe më pas grupet parlamentare do të miratojnë kërkesën për anëtarësim, raporton gazeta.
Pushtimi rus i Ukrainës i ka shtyrë Finlandën dhe Suedinë në prag të aplikimit për anëtarësim në NATO dhe heqjen dorë nga besimi që ekziston për dekada se paqja ruhet më së miri nën statukuonë e deritanishme.
Sipas kushtetutës finlandeze, presidenti drejton politikën e jashtme dhe të sigurisë të Finlandës në bashkëpunim me qeverinë.
Vendimi do të konfirmohet në një takim të presidentëve dhe ministrave kryesorë të qeverisë pas njoftimeve fillestare nga presidenti dhe parlamenti, shkruan gazeta.
Rusia, me të cilën Finlanda ndan një kufi prej 1300 kilometrash dhe një histori konflikti para vitit 1945, ka paralajmëruar se do të vendosë armë bërthamore dhe raketa hipersonike në Kaliningrad, enklavën e saj në brigjet e Balltikut, nëse Finlanda dhe Suedia vendosin të anëtarësohen në NATO. /tesheshi.com/
