Drejtor i Qendrës “Simon Wiesenthal”, Efraim Zurof vlerësoi autoritetet finlandeze për botimin e një raport ku thuhet se vullnetarë finlandezë shërbyen në njësitë naziste SS, e kryen krime gjatë Luftës së Dytë Botërore, përfshirë edhe vrasjen e hebrenjve.
Zurof vlerësoi vendosmërinë e Arkivave Kombëtare të Finlandës për të publikuar rezultatet e hulumtimit, edhe pse pse kjo rezulton “e dhimbshme dhe e turpshme” për vendin.
Këtë akt, Zuroff e quajti “një shembull unik të guximit qytetar”.
Një raport prej 248 faqesh i shkruar në gjuhën angleze u botua të premten.
Në të thuhet se 1408 vullnetarë finlandezë shërbyen në Divizionin nazist “Viking”, në periudhën nga viti 1941 deri 1943 dhe se shumica prej tyre ishin mes 17 dhe 20 vjeç, raporton AP.
“Është shumë e mundshme që ata (vullnetarët finlandezë) të kenë marrë pjesë në vrasjen e hebrenjve e të burgosurve të luftës, si pjesë e njësive SS gjermane”, tha drejtori i përgjithshëm i Arkivave Kombëtare në Finlandë, Jussi Nuorteva. /tesheshi.com/
