Princi Charles ka kërcënuar të ndërpresë fondet për Princin Harry nëse ai dhe Meghan tërhiqen plotësisht nga familja mbretërore, sipas një raporti të ri të transmetuar nga media britanike.
Princi Harry, 35 vjeç dhe Meghan Markle, 38 vjeç, shokuan botën me njoftimin se po tërhiqeshin nga detyrat mbretërore.
Mediat britanike raportojnë për çdo detaj që përcjell historinë e një çifti të ri të martuar i cili ka zgjedhur të jetojë jetën e tyre ndryshe nga ajo që dikton tradita e familjare e Harry-t. Ata deklaruan se ata do të jetojnë gjetiu dhe do të punojnë për t’u bërë të pavarur financiarisht.
Pallati Buckingham e ka përjetuar me tronditje vendimin e çiftit, veçanërisht nga fakti se “askush prej tyre nuk është këshilluar”. E tani vjen pasoja e parë, ku kërcënohen me ndërprerje të financave.
Meghan dikur ishte aktore dhe fitoi goxha para se të bëhej anëtare e familjes mbretërore.
Celebritynetworth.com thekson se pasuria e Meghan Markle aktualisht është me vlerë 8.8 milion dollarë. Ndërsa pasuria e Princit Harry vlerësohet në 40 milion dollarë. Por të gjithë këto janë në llogaritë e familjes mbretërore.
Ndaj, Princi Charles ka kërcënuar të ndërpresë çdo fond nëse ata tërhiqen plotësisht nga familja mbretërore. Princi i Uellsit e ka bërë të qartë se çdo marrëveshje për paratë do të varet nga detajet e rolit të tyre të ardhshëm.
Babë bir thuhet se kanë qenë në bisedime që nga Krishtlindja për ta zgjidhur këtë ngërç. /tesheshi.com/
