Ndonëse në terren partitë kosovare kanë ditë që po bëjnë fushatë, zyrtarisht ajo nis këtë të mërkurë.
Fushata që paraprin zgjedhjet e parakohshme, do të zgjasë deri më 9 qershor. Sipas rregullit një ditë më pas ka heshtje zgjedhore dhe më datë 11 shkohet në kutitë e votimit.
Për 120 ulëse në kuvend garojnë 5 koalicione, 19 parti politike dhe 2 iniciativa qytetare.
20 ulëse janë të garantuara për komunitetet pakicë, 10 për komunitetin serb dhe 10 të tjera për komunitetet jo serbe.
Për formimin e qeverisë janë të domosdoshme të paktën 61 vota në Kuvend. Koalicioni apo partia fituese, kryesisht llogaritë në koalicione pas-zgjedhore edhe në pakicat, si kategori kushtetuese e domosdoshme për përfshirje në qeveri.
Kujtojmë se zgjedhjet e parakohshme pasuan votimin në kuvend të një mocioni mosbesimi të ngritur nga opozita ndaj qeverisë më 10 maj.
Të njëjtën ditë, presidenti Thaçi shpërndau Kuvendin, kurse në ditë më vonë shpalli 11 qershorin si datën për mbajtjen e zgjedhjeve. /tesheshi.com/
