FIFA-s nuk po i shkojnë mirë punët e Botërorit 2022 i cili do të mbahet në Katar.
Ajo madje ka braktisur planet për zgjerimin e ekipeve, duke mbajtur 32 sosh nga 48 sa kishte planifikuar.
Organizata e futbollit botëror tha se këtë vendim e morri për shkak të kompleksitetit politik dhe logjistik.
Planet e presidentit të FIFA-s për zgjerimin e Kupës së Botës në vendet e Lindjes së Mesme po pengohen nga kriza diplomatike rajonale e Katarit, si dhe nga kërkesat që vendet nikoqire që t’u përmbahen të drejtave të njeriut dhe atyre të punës.
Një takim i Këshillit të FIFA-s në mars, kreu i FIFA-s Gianni Infantino, tha se është duke biseduar me Katarin për të parë nëse ishte e mundur të përdorte të paktën një vend tjetër në rajon për të akomoduar 16 ndeshje të tjera, por më pas u llogarit se kjo nuk do të ishte e përshtatshme.
Kriza diplomatike rajonale e ka vënë në sfidë Botërorin 2022, ndërsa opsionet nuk janë të shumta.
Infantino vizitoi Kuvajtin muajin e kaluar në një përpjekje për ta bindur atë që të organizojë dhe ky vend ndeshje në kuadër të Botërorit.
Por FIFA tani ka ardhur në përfundim se mungon koha për të përgatitur një tjetër nikoqir për lojërat ekstra.
Në Kuvajt, stadiumi ndërkombëtar Jaber Al-Ahmad ka 60,000 vende dhe kapaciteti në stadiumin tjetër, Sabah Al-Salem, është vetëm 26,000. Të dy vendet do të kërkonin përmirësime për standardet e Kupës Botërore, duke vënë në qendër të vëmendjes kushtet e punës dhe të drejtat e punës.
Katari ka bën përjashtim duke lejuar turistët të pinë alkool, por Kuvajti ka një ndalim të plotë që do të kishte qenë problematike për FIFA-n, e cila ka birrën Budweiser si sponsor kryesor, dhe kjo thuhet të jetë baza e problemeve.
Ndërsa Katari fitoi të drejtën e mbajtjes së kampionatit në vitin 2010, pritej që Kupa Botërore të mbahej në periudhën qershor-korrik, por FIFA ndryshoi turneun për shkak të nxehtësisë së ashpër të verës në atë periudhë, dhe e vendosi nga datat 21 nëntor-18 dhjetor 2022. /tesheshi.com/
