Gazetari Blendi Fervizu ishte i ftuar sot pasdite në një bisedë me studentë të UET-it,ku foli për situatën politike në vend.
Ai e cilësoi telenovelën “Tahiri” më popullore se gjithë telenovelat indiane, por nga ana tjetër foli për informacione të papublikuara që do të trondisin politikën e dy krahëve këtë vjeshtë.
Sipas Fevziut informacionet që ai kishte nuk ishin politike, por janë sipas tij kaq të rëndësishme sa ministrat e Ramës shkojnë në zyrë me sytë nga prokuroria.
“Nuk di të them nëse jemi në fazën që ishte Maqedonia para dy vjetësh me daljen e përgjimeve. Nuk më rezulton që Shqipëria të jetë në këtë stad. Këto shërbime mendojnë se krimi është kërcënues në Shqipëri. Ata mendojnë se krimi ka mbështetjen politike. Ata mendojnë se dy qytete janë tërësisht në dorë të krimit. Qarkullojnë një serë materialesh, disa prej tyre shumë të rënda. Pritet që njerëzve me pushtet t’u publikohen materiale të rënda”- tha ai.
Sipas drejtuesit tw ‘Opinion” pritet që përgjimet dhe dosja ‘Habilaj-Tahiri’ të sjellë surpriza të reja dhe se disa gazetarw nw vend kanw informacione me rwndwsi tw marra nga agjencitw ose politikanw tw huaj.
“Ajo që më rezulton mua, është një problem që është bërë evident rreth një vit e gjysmë më parë, por që sidomos nga mesi i majit e këtej kanë qenë shumë aktivë, disa po i quaj përfaqësues të institucioneve ligjvënëse, jo vetëm shërbimeve të inteligjencës, por edhe shërbimeve të ushtrisë edhe prokurorive të disa vendeve të BE, të cilët kanë një problem shqetësues që nuk kanë mendim të njwjtë me politikën. Pra nwse ministrat e jashtëm, politika e këtyre vendeve, ka një përqasje më të butë, shërbimet ose institucionet ligjvënëse kanë një qëndrim më radikal, të cilët mendojnë se krimi i organizuar po bëhët kërcënues në Shqipëri, dhe këtë gjë kanë tentuar ta thonë politikisht dhe kur nuk ka funksionuar politikisht kanë tentuar ta filtrojnë përmes mediave. Me informacionin tim disa gazetarë të njohur në vend, dhe gazetarë kronike dhe analistë kanë pasur takime shumë interesante me përfaqësues ligjvënws të këtyre vendeve.
Ata kanë ardhur kanë bërë dhe kërkime në Shqipëri dhe pak a shumë është ajo që unë thoja, ata konsiderojnë që në Shqipëri krimi i organizuar ka mbështetje të fortë politike, që dy nga qytetet kryesore të Shqipërisë janë krejtësisht në kontrollin e bandave dhe që mbi të gjitha që kjo është shqetësuese, është fakti që krimi i organizuar është kthyer në një sfidë ndaj qytetarëve. Një person i njërës prej prokurorive federale të një prej vendeve të BE, më tha që ‘po ka keqbërës që ne kemi ardhur dhe i kemi ndjekur këtu, jetojnë edhe në vendin tim, por atje udhëtojnë me metro, ose udhëtojnë me transportin publik që mos bien në sy, kurse këtu ecin me makina nga 150.000-200.000 euro’. Dhe ata i kishin fotografuar duke i nderuar polici rrugor” – tha Fevziu.
Duke u ndalur në Reformën e Drejtësisë, Fevziu tha se kjo reformë do të shtrihet si majtas ashtu dhe djathtas, duke nënkuptuar se të dy kampet politike do të preken nga ky proces./tesheshi.com/
