Kosova e nisi përkujtimin e 8 vjetorit të pavarësisë me një ceremoni ushtarake.
Ky event u përcoll nga parakalimi i kuadrateve të Forcës së Sigurisë së Kosovës dhe njësive të Policisë së kosovare.
Parakalimi, hapur mes mijëra njerëzve në festë, ku ishin edhe liderët shtetërorë e politikë të Kosovës e përfaqësues të pranisë ndërkombëtare, u përcoll edhe me aktivitete të tjera akrobatike të kadetëve në shesh si dhe nga bendi muzikor i FSK-së.
Manifestimi nisi me Himnin Shtetëror të Kosovës dhe me një fjalë të Presidentes së Republikës, Atifete Jahjaga, e cila theksoi se “Kosova është një realitet i pakthyeshëm dhe një paqe e fituar”.
“Shtetndërtimi kërkon vullnet, dashuri edhe shpirtërore, ku duhet dëshmohet që secili është i barabartë para ligjit. Kosova është dhimba dhe krenaria jonë, ku kujtojmë gjenerata të tëra që kanë sakrifikuar për lirinë dhe zhvillimin e vendit tonë. Sot është një ditë feste e gjithë shtetit, festë e secilit që jeton në Kosovë dhe atyre që e ndjejnë këtë shtet kudo qofshin. Sot është festë dhe festat bëjnë bashkë të gjithë në dialog që për të ndërtuar shtetin, pa dhunë”, ka thënë Jahjaga.
Ndërkaq, kryeministri i vendit, Isa Mustafa tha se në këto 17 vjet në liri dhe 8 pavarësi janë bërë reforma rrënjësore dhe nuk mund t’i rrënojë askush.
/tesheshi.com/
