Vijojnë në mënyrë të vazhdueshme dhe pa u ndalur kërkimet nën gërmadhat e ndërtesave të shkatërruara në Nepal nga ana e shpëtuesve ndërkombëtarë, të cilët po mundojnë të shpëtojnë sa më shumë persona të jetë e mundur nga pasojat e tërmetit të disa ditëve më parë në Nepal.
Ja që mrekullitë mund të ndodhin dhe kjo është dëshmuar edhe një herë në shtetin ku ka ndodhur katastrofa. Bëhet fjalë për shpëtimin nga vdekja, të një fëmijë të sapolindur. Ai është një foshnjë, e cila është nxjerrë nga gërmadhat pas 82 orëve nga koha e tërmetit.
Fotografia e tij është duke bërë xhiron e botës, por njëkohësisht, bilanci i tragjedisë ka marrë përmasa tepër të mëdha. Mbi 5300 persona kanë ndërruar jetë, 8 mijë janë plagosur dhe 8 milion persona kanë nevojë për ndihma njerëzore.
Protesta – Rreth 200 persona kanë bllokuar trafikun në Kathmandu në shenjë proteste kundër ngadalësisë me të cilën po shpërndahen ndihmat për popullatën. Protestuesit akuzojnë qeverinë se nuk është duke bërë aq sa duhet për ta. Në të njëjtën kohë, protestuesit kanë sfiduar policinë por nuk ka pasur të arrestuar.
Amerika – Presidenti i Shteteve të Bashkuara të Amerikës, Barack Obama ka telefonuar kryeministrin e Nepalit, Sushil Koirala për ti shprehur ngushëllimet e tij për këtë tragjedi e në të njëjtën kohë për ti ofruar ndihmën e tij. “Presidenti tha se Sthetet e Bashkuara do të bëjnë çdo gjë që është e mundur për të ndihmuar popullin e Nepalit në këtë moment kaq të vështirë”,- ka thënë zëdhënësi Josh Earnest./tesheshi.com/
