Iris Grace është një vajzë angleze 6-vjeçare shumë e veçantë. E vogla, e prekur nga autizmi, është shndërruar në një piktore të re falë maces së saj Thula, e cila e ka shpëtuar nga një heshtje e gjatë.
Siç raporton The Indipendent, Arabella Carter-Johnson, nëna e Iris, tregon se vajza prej shumë kohësh ishte mbyllur në vete, nuk fliste dhe me shumë vështirësi krijonte raporte me të tjerët, deri sa në jetën e saj erdhi Thula.
“U kuptuan menjëherë. Përqendrimi dhe qetësia për të pikturuar i vijnë pikërisht nga macja, e cila i rri afër ndërsa ajo realizon veprat e saj dhe shpesh, shkëmben me të edhe ndonjë fjalë”,- tregon e ëma.
Pikturat e vogëlushes janë me të vërtetë shumë të veçanta dhe mjaft artistë i kanë krahasuar me veprat e Monet. Për më tepër, edhe e famshmja, e bukura dhe e talentuara Angelina Jolie ka blerë njërën prej tyre.
Mamaja, Arabella ka vendosur të përmbledhë historinë e vajzës së saj në një libër me piktura. Qëllimi është që njerëzit të sensibilizohen në lidhjen me temën e autizmit. Duke treguar suksesin e Iris, mund të ndihmohen edhe fëmijë të tjerë. /tesheshi.com/
