Njërës prej skuadrave më të njohura të futbollit holandez i është dashur të presë plot 18 vite për t’u kthyer te titulli kampion.
Fejenordi nuk e fitonte kampionatin holandez që prej vitit 1999; një pritje që ka marrë fund sot, në javën e fundit të Eredivisie-s.
Fitorja i dedikohet veteranit 36-vjeçar të Fejenordit, Dirk Kuyt, që ka udhëhequr ekipin në fitoren 3-1 ndaj Heraklesit, duke i shënuar vetë të tre golat.
Një ish-lojtar i Liverpulit dhe i Fenerbahçes, Kuyt, kapiteni i Fejenordit ka qenë vendimtar në fitimin e titullit.
Me 82 pikë, Fejenordi ka lënë prapa Ajaksin në renditje, me një pikë më pak. Fituesit e trofeut të kampionatit në dy sezonet e fundit, PSV Eindhoven, u renditën të tretët. /tesheshi.com/
