Roger Federer dhe Rafael Nadal vendosën një rekord të ri të pjesëmarrjes për një ndeshje tenisi, pasi përballja e tyre miqësore në Cape Town, Afrika e Jugut, tërhoqi mbi 51,000 spektatorë.
Në stadium ishin 51.954 spektatorë, të cilët kontribuuan në aksionin humanitar për Afrikën.
Organizatorët thonë se kanë marrë rreth 200,000 kërkesa për biletë nga rajoni.
Të ardhurat prej 3.5 milion dollarë do të shkojnë në fondacionin “Roger Federer”, i cili mbështet arsimimin e fëmijëve në gjashtë vende afrikane, përfshirë Afrikën e Jugut, ku lindi nëna e tij.
“Eshtë një kënaqësi absolute të ndajmë përsëri fushën me Rafa (Nadal). Ndeshja ishte shumë e veçantë për shumë arsye”, tha tenisti zvicerane pas duelit.
Pjesëmarrja tejkaloi rekordin e deritanishëm të vendosur në Meksiko City, gjithashtu në një përballje miqsore që Federer pati me gjermanin Alexander Zverev në nëntorin e kaluar. Ajo u ndoq nga 42.517 persona. /tesheshi.com/
