Me afrimin e fundit të sezonit turistik, në Vlorë ka nisur faza e dytë e projektit të Lungomares, që shkon deri të tunelit në Ujin e Ftohtë.
Kryeministri Edi Rama, i shoqëruar nga kryetari i bashkisë së Vlorës, Dritan Leli, inspektuan këtë segment, ku i pari sqaronte të dytin duke i thënë: “parashikohet që ky projekt që ka filluar me prishjen e gjithë ndërtimeve pa leje e të gjitha ndërhyrjeve që janë bërë në vite, do të kthehen përsëri në identitet, të krijohen plazhe, të krijohet shkallarja që do vazhdojë aty ku mbarojnë fushat e sportit e në drejtim të tunelit”.
Nga ana tjetër, Rama sqaronte Lelin duke i thënë: “Kjo duhet pastruar totalisht, sepse duhet të garantohet që gjithë cilësia dhe bukuria e arritur me Lungomaren të vazhdojë të shtrihet deri tek tuneli. Kjo është faza e dytë. Faza e tretë pastaj është matanë, por në këtë fazë kemi këtë projekt, nga ku mbaron Lungomarja tek tuneli, që do të thotë që këtu duhet të pastrohet çdo gjë”. /tesheshi.com/
https://www.facebook.com/edirama.al/videos/662713544220533/?t=106
