Zyrtari i nivelit të lartë shëndetësor amerikan do të paralajmërojë Senatin për rreziqet e fillimit të ekonomisë para kohe, pasi kjo mund të shkaktojë “vuajtje dhe vdekje të panevojshme”, shkruan New York Times.
SHBA tani regjistron më shumë se 1.35 milion infeksione dhe më shumë se 80,000 vdekje nga COVID-19, një sëmundje serioze e shkaktuar nga virusi i ri koronar SARS-CoC-2.
Ka rreth 4.2 milion të infektuar në botë, dhe deri më tani më shumë se 285,000 njerëz kanë vdekur, raportojnë mediat.
“Nëse kalojmë pikat e kontrollit në udhëzimet për rihapjen e Amerikës, atëherë rrezikojmë një shpërthim të infeksionit në të gjithë vendin”, tha Anthony Fauci, drejtor i Institutit Kombëtar të Alergjisë dhe Sëmundjeve Infektive, në një e-mail.
“Kjo jo vetëm që do të rezultojë në vuajtje dhe vdekje të panevojshme, por, në përpjekje për t’u rikthyer në normalitet, ajo, në të vërtetë, do të na kthejë një hap pas,” beson Fauci.
Ai tha se kjo ishte porosia e tij kryesore për Komitetin e Senatit për Edukimin Shëndetësor, Punën dhe Pensionet.
Nga ana tjetër, Këshilltari i lartë i Presidentit Donald Trump dhe njëherësh dhëndri i tij Jared Kushner, i thanë Fox News se SHBA kishte tejkaluar 9.30 milion teste të kryera, me më shumë se 394,000 sosh vetëm të hënën.
Rritja e numrit të të infektuarve bën presion në përpjekjet e SHBA për të investuar në kapacitetet e tij të testimit.
Fauci avokon duke thënë se duhen testuar njerëzit që kanë më shumë nevojë për të. /tesheshi.com/
