Mitrovica ka qenë ndalesa e radhës për Partinë Republikanët e Kosovës, REK këtë fundjavë. Ashtu si edhe në shumë Komuna të tjera në mbarë Kosovën, në Mitrovicë është mbajtur Kuvendi i parë i degës së REK.
Kryetari i republikanëve, z. Faton Kurti në fjalën e tij nënvizoi faktin se Kosova ndodhet në një kaos politik dhe ekonomik dhe kjo për faj të keqqeverisjes sidomos nga njerëz si Isa Mustafa, i cili sillet me postin e kryeministrit si një fëmijë i humbur, i cili nuk e ka idenë se çfarë duhet të bëjë me postin që ka.
“Ai dhe shokët e tij në qeveri nuk e kanë idenë se me postet dhe detyrat që mbajnë, kanë në dorë fatin e këtij vendi, por me papërgjegjshmërinë e tyre, çdo ditë dhe më shumë po e çojnë Kosovën drejt humnerës ekonomike”, u shpreh z. Kurti në Kuvendin e REK në Mitrovicë. /tesheshi.com/
