Gjykata Themelore e Prishtinës e ka shpallur të pafajshëm Fatmir Limajn për tre pikat e aktakuzës, të parën për krim të organizuar, të dytën për shpërdorim detyre dhe të tretën për marrje ryshfeti.
Kështu, pas tetë vjetësh nëpër procese gjyqësore, Limaj ka fituar “betejën” ndaj Kadri Veselit të cilin e kishte akuzuar se ka bashkëpunuar me ndërkombëtarëve për ta dëmtuar atë.
“Po, po edhe në kohën e zotit Kermabo, edhe këshilltari i tij ka pasë bashkëpunim të ngushtë me SHIK’un, ata kanë qenë bashkëpunëtorë të ngushtë me SHIK;un, ka qenë edhe një prokurore Izabela Arnal, gjithashtu francize, kryeprokurore e Prokurorisë Speciale e cila ka pasë detyrë ta bëjë atë që ka bërë në Ministrinë e Transportit atëkohë”, kishe deklaruar Limaj.
Të pafajshëm për rastin në fjalë janë shpallur edhe bashkëpunëtorët e tij, Endrit Shala, Nexhat Krasniqi dhe Shpëtim Telaku.
Limaj dhe të tjerët janë akuzuar se kanë ndihmuar kompanitë për të marrë tenderët duke siguruar të mira materiale për veten në vlerë mbi 2 milionë euro, gjatë kohës sa ishte ministër i Ministrisë së Transportit në vitin 2008. /tesheshi.com/
