Zëvendëskryetari i PDK-së, Enver Hoxhaj, ka bërë me dije se si anëtarë të kabinetit qeveritar dhe si anëtarë të kryesisë së kësaj partie kanë presion nga anëtarësia e PDK-së që vendi të lëvizë përpara me një dinamikë të re.
Ai ka thënë se PDK-ja ende nuk ka vendosur nëse do ta përkrahë apo jo mocionin e mosbesimit ndaj qeverisë Mustafa.
Hoxhaj, në një intervistë për gazetën “Epoka e re”, ka theksuar se 48 orët e ardhshme do të jenë vendimtare për qëndrimin e PDK-së për mocionin dhe për çështjet e tjera, pa i përjashtuar as zgjedhjet e parakohshme.
Ai ka paralajmëruar se deputetët e PDK-së do ta votojnë marrëveshjen e demarkacionit me Malin e Zi.
Hoxhaj, i cili mban edhe postin e ministrit të Jashtëm, ka thënë se një qeveri nuk matet me punën ditore, por me përmbushjen e objektivave madhore për vendin.
Edhe Hoxhaj, sikurse shefi i tij i partisë, thotë se ka mungesë të vendimmarrjes tek partneri i koalicionit, LDK-ja. /tesheshi.com/
