Karina Jersova nga Bucha në Ukrainë festoi ditëlindjen e saj të 23-të në shkurt.
Menjëherë pas kësaj, rusët hynë në Ukrainë, dhe së shpejti në qytetin e saj.
Familja e saj, por edhe autoritetet në atë vend, pretendojnë se ajo është vrarë nga ushtarët rusë.
Sipas ekipit gazetar që ishte në funeralin e kësaj vajze, nëna e Karinës, Olena Dereko, u përpoq të hapte arkivolin për të parë vajzën e saj për herë të fundit.
Burri i saj Andrew e pengoi atë për ta kursyer nga një tjetër traumë. Thuhet se trupi i Karinës ishte shpërfytyruar plotësisht.
“Ajo u qëllua nga një distancë e afërt. Asaj i mungonte pothuajse gjysma e kokës”.
Autoritetet ukrainase thanë se vajza pësoi një vdekje të dhunshme dhe kishte “plagë dhe çarje” në trupin e saj dhe se ajo ishte torturuar para se të vdiste.
Ata nuk i dhanë të gjitha informacionet sepse rasti ishte “i tmerrshëm”. E kanë gjetur pranë banesës ku jetonte, ndaj mund të supozohet se e kanë mbajtur aty para se të vritej.
Edhe ata e këshilluan nënën e saj që të mos shikonte trupin e vajzës.
Lëkura e saj ishte djegur, thonjtë e saj të hequr, kockat e gishtave të saj të dukshme, krahët dhe këmbët e saj të qëlluara para se të vdiste.
Një gazetare shkroi se policia i ka treguar fotografitë e trupit të saj, ku shihet se lëkura e duarve i është djegur dhe se i janë nxjerrë të gjithë thonjtë përveç njërit.
Karina jetonte me një mik në Bucha dhe punonte në një restorant. Ëndrra e saj ishte të hapte kompaninë e saj.
“Ne i kërkuam Karinës të largohej nga Bucha, por ajo nuk e kishte menduar se do të ishte aq e rrezikshme”, thanë prindërit e saj.
“Kam shpëtuar fëmijën tonë nga Donetsku në vitin 2014, por e humba në vitin 2022 në rajonin e Kievit”, tha njerku i saj. /tesheshi.com/
