Me fasule e spinaq, receta për një supë që të mbledh barkun

Për të mos e kosnideruar një pjatë dimërore, fasuleve u është shtuar spinaq dhe disa perime të tjera të stinës. Kështu, pjata do të jetë më e freskët.

Përbërësit për 4 persona:

Fasule të bardha 200 gr

Spinaq 200 gr

Selino një degë

Qepë 1 kokërr të madhe

2 Karota

3-4 racione mish viçi

Kripë, piper

Vaj ulliri

Përgatitja:

Vini fasulet e bardha në ujë që në mbrëmje për t’i gatuar të nesërmen. Ziejini për rreth 1 orë dhe kullojini. Në një tigan të madh skuqni qepën e grirë imët me selinonë e pastruar nga fijet dhe karotën (të dyja të prera në kubikë).

Lërini për disa minuta e më pas shtoni fasulet bashkë me pak ujë. Nëse fasulet nuk kanë shumë nevojë për të zierë shtojuni mishin e viçit, të cilin edhe mund ta skuqni më parë dhe në fund spinaqin e pastruar e të prerë në copa të vogla. Rregulloni shijen me kripë e piper. /tesheshi.com/