Në një komunikim me ndjekësit në rrjetet sociale, kryeministri Rama foli sërish për fashën 800 kwh dukë thënë se ajo nuk është hequr por është shtyrë dhe se ose do të vendoset në nëntor ose do të rishikohet.
“Nuk ka lidhje me asnjë tenxhere zemërimi dhe grumbullimi. Kemi pasur dy elementë që na kanë ndihmuar që ta shtyjmë dhe jo të heqim dorë nga fasha: e para që reshjet, që kemi pasur reshje që kanë shtuar kuotat në Fierzë. Dhe së dyti një trendi i kursimit.
Nëse trendi i kursimit do të vazhdojë dhe reshjet po ashtu, atëherë do ta kalojmë pa asnjë të papritur tetorin.
Nëntorin do të vendoset fasha duke parasysh parametrat ose do i rikthehemi diskutimit” tha ai.
Ndërkohë, një ditë më parë reagoi edhe ERE për çmimin e energjisë. Sipas ERE, vendimi i marrë prej saj në mbledhjen e saj të fundit për rritjen e çmimit është ende i aplikueshëm për periudhën 1 tetor deri më 31 dhjetor 2022, por duke qenë se qeveria ka shpallur gjendjen e emergjencës së furnizimit me energji elektrike, atëherë çmimet do të rishikohen periodikisht. /tesheshi.com
