Këshilli Organizativ “Drejtësi për të burgosurit e rastit MONSTRA” përshëndet çdo iniciativë me qëllim të mirë dhe në interes të zbardhjes së të vërtetës së këtij rasti monstruoz.
“Duke qenë të prekur personalisht, familjarisht, por edhe kombëtarisht si shqiptarë, shpresat tona deri më tani ishin në institucionet dhe organet shtetërore, ku ne përfaqësohemi nga shumë zyrtarë shqiptarë, por për fat të keq deri më sot nuk kemi as gjysmë fjalë e shpresë për rastin në fjalë”, thuhet në letrën dërguar liderit të opozitës Zoran Zaev.
Siq thonë familiarët e të dënuarve me burg të përjetshëm, shpresa e fundit për familjet e fëmijëve të vrarë në Liqenin e Smillkovës dhe të dënuarve, qëndron në publikimet e materialeve të cilat i pozedon Zaev, sepse përkundër gjithë këtij kriminalizimi të shtetit, ata besojnë se ekzistojnë forca, të cilat janë lodhur nga gjuha e nacionalizmit, diskriminimit, vuajtjes dhe gjithë helmimeve të tjera të mbjellura ndër dekada në këto hapësira ku jetojmë dhe veprojmë.
“Nëse LSDM-ja arrin të shpëtojë këtë popull nga kthetrat kriminele, atëherë mund të besojmë që nesër, me vënien e rendit, duke i siguruar qytetarit liri të plotë, duke iu garantuar qytetarëve trajtim të barabartë me bazë kushtetuese e ligjore, do të mundemi ta integrojmë shtetin në strukturat euroatlantike dhe BE, atje ku e ka vendin dhe ku synon çdo qytetar i vetëdishëm për të mirën e përgjithëshme”-thuhet në letrën e familiarve të të dënuarve për rastin Monstra.
(tesheshi.com)
