Presidenti amerikan Donald Trump fali të mërkurën ish-menaxherin e tij të fushatës Paul Manafort, bashkëpunëtorin Roger Stone, si dhe Charles Kushnerin, babait të dhëndrit të tij dhe këshilltarit Jared, i cili është i martuar me vajzën e tij Ivanka.
Manafort u dënua në një pjesë të një hetimi të veçantë për ndërhyrjen ruse në zgjedhjet e SHBA 2016.
Ndërsa për Stone, i cili u dënua për gënjeshtër nën betim, Trump më parë kishte zbutur më parë dënimin për të.
Me këtë akt, presidenti amerikan praktikisht “fshiu” vendimet më të rëndësishme të gjykatës të miratuara si pjesë e një hetimi të gjatë për ndërhyrjen e Rusisë në zgjedhjet amerikane 2016.
Kjo është vala e dytë e faljeve të dhëna nga Trump, me një total prej 26.
Në një deklaratë të mërkurën vonë, senatori republikan Ben Sasse me zemërim komentoi mbi faljet për individët të cilët “shkelnin flagrantisht dhe vazhdimisht ligjin dhe dëmtonin amerikanët”.
“Kjo është e kalbur deri në palcë,” tha ai.
Ndërsa babai i Jared-it, Charles Kushner u dënua me dy vjet burg pasi u deklarua fajtor në 2004 me 18 akuza për evazion fiskal, duke ndikuar në dëshmitarë dhe duke bërë dhurime të paligjshme politike.
Gjatë gjyqit, Charles Kushner pranoi se, për të marrë hak ndaj dhëndrit të tij i cili bashkëpunoi me prokurorinë, ai punësoi një prostitutë për të bërë seks me të në një dhomë moteli dhe më pas i dërgoi një video motrës së tij.
Një ditë më parë, Trump fali 15 persona, përfshirë katër anëtarë të kompanisë private ushtarake “Blackëater” të cilët morën pjesë në një masakër ndaj civilëve në Irak.
Zyra e Kombeve të Bashkuara për të Drejtat e Njeriut tha se ishte thellësisht e shqetësuar për vendimin, duke vënë në dukje se “falja e tyre do të kontribuonte në mosndëshkim dhe do të kishte efektin e inkurajimit të të tjerëve për të kryer krime të tilla në të ardhmen”, raportoi AP. /tesheshi.com/
