Ministri izraelit i mbrojtjes Benny Gantz kërkoi falje sot për policinë izraelite që vrau një palestinez me nevoja të veçanta në Jeruzalem.
Gantz, i cili sipas marrëveshjes për ndarjen e pushtetit është kryeministri “alternativ” i Izraelit, foli për këtë në seancën e qeverisë, ndërsa kryeministri aktual Benjamin Netanyahu nuk foli, raporton AP.
Gantz shprehu besim se çështja do të hetohej. Policia izraelite vrau 32-vjeçarin Iyad al-Hallak, një palestinez me nevoja të veçanta në Jeruzalem, dje.
Një person autik
Iyad Hallak, i cili është nga Jeruzalemi Lindor, ndoqi një shkollë për njerëz me nevoja të veçanta në Qytetin e Vjetër, disa metra larg vendit ku u vra.
Policia Kufitare tha se policia vuri re një palestinez që mbante një objekt të dyshimtë, për të cilin ata mendonin se ishte një armë, dhe e urdhëroi atë të ndalonte.
Anëtarët e familjes Hallak thanë që ai ishte autik dhe se nuk ishte i aftë të dëmtonte askënd. /tesheshi.com/
