U ngjit në Ligën e parë ruse, fitoi dhe Kupën e Rusisë, por të dyja këto triumfe nuk kanë mundur ta shpëtojnë nga mbyllja klubin Tosno.
Si fitues i Kupës, iu dha e drejta për të luajtur në Ligën e Evropës, por më pas iu mohua kjo e drejtë për shkak të krizës së rëndë financiare.
Drejtori Ekzekutiv, Leonid Khomenko tha se problemet financiare më të cilat klubi përballet për një kohë të gjatë, çuan që Tosno të mos marrë licencë për t’u paraqitur në Europa League, si fituesi i Kupës ruse.
Khomenko theksoi se paratë e fituara në Ligën e Evropës do të mbulonin shumicën e borxheve, porse ndalimi i paraqitjes ishte vdekjeprurës për klubin.
Mediat ruse shtetërore njoftuan të shtunën se klubi u mbyll për shkak se lojtarët nuk morën rrogë për tre muaj. /tesheshi.com/
