Nga Ahmet Zani
24 km larg kryeqytetit, në fshatin Borizanë të Fushë-Krujës jeton 49-vjeçari libian, Fadi Jalebi. Edhe pse kanë kaluar më shumë se 10 vjet që nga dita e tij e parë në Shqipëri, për Fadin përshtajtja me shqiptarët ishte me e lehtë nga seç e kishte menduar.
Në një udhëtim prej 30 minutash nga Tirana drejt Fushë-Krujës, Fadi gjen kohë të na tregojë se si erdhi në Shqipëri, takimin dhe vendimin për të mos u kthyer me në Libi.
Gjithçka nisi 19 vjet më parë kur ai punonte në shtetin grek me disa emigrantë shqiptarë. “Në atë kohë punoja së bashku me disa shqiptarë nga Borizana e Fushë-Krujës. Teksa ditët kalonin, afrimi dhe besimi tek shqiptarët sa vinte dhe rritej. Kështu një ditë i shpreha dikujt prej tyre dëshirën për t’u martuar me një shqiptare nga fshati i tij.”
Dhe miqtë e tij nga Fushë-Kruja nuk kanë hezituar. E kanë zgjedhur një sosh për t’ia dhënë për nuse libianit, por fillimisht duhet të flisnin me vajzën dhe prindërit e saj nëse ishin dakort me këtë propozim apo jo.
Sepse Fadi vinte nga një vend me të tjera tabiate, sociale apo fetare. Ndaj, për familjen e vajzës nuk ishte edhe lehtë dhe nuk mund të pranonin pa e njohur nga afër Fadin. Të gjendur në këto kushte, do të ishte familja e vajzës që do të udhëtonte drejt shtetit grek për të njohur nga afër 49-vjecarin sevdalli për një vajzë shqiptare.
Ky takim do të ishte vendimtar për Fadin, nëse ata do të pranonin apo jo. Dhe pas disa “seancash”, Fadi do të merrte “Po”-në familjes së vajzës, vendim i cili solli kurorizmin me martesë mes tij dhe borizanes.
Tashmë kur kanë kaluar 19 vjet nga ajo ditë, Fadi tregon se ka dhe një djalë 18-vjecar, Muhamedin, maturant në shkollën e mesme të Borizanës.
Fadi punon si instalues i aparateve televizive, ndërsa bashkëshortja e tij punonjëse e policisë në burgun e Fushë-Krujës.
Gjatë bisedës, shkurtimisht, Fadi na tregon dhe për familjen e tij të cilët i ka takuar për herë të fundit në vitin 2002. “Jam përshëndetuar me ta për t’u mostakuar më kurrë”, thotë ai, pa sqaruar më tej se pse.
Tashmë ai vend për të është i huaj, zuke zgjedhur të pohojë se ndihet 100% shqiptar.
E ndërsa ka vetëm pak ditë që ka nisur muaji i Ramazanit, Fadi thotë se është shumë i lumtur që bashkëshortja dhe djali i tyre i janë bashkuar në agjërim.
Sot, Fadi e njeh mirë gjuhën dhe traditat shqiptare. Dashurinë dhe lidhjen me shqiptarët ka vendosur ta tregojë edhe në rrjetet sociale, ku përkrah emrit dhe mbiemrit të tij, ka shkruar edhe “Albania”. /tesheshi.com/
