Facebook ua ka mbyllur llogaritë disa personaliteteve me ideologji ekstremiste, duke argumentuar se ata kanë përdorur gjuhë të dhunës dhe të urrejtjes.
Të ndaluarit janë Louis Farrakhan, Alex Jones dhe personalitete të tjera që shkelën rregulloret e Facebook për gjuhë të urrejtjes.
Kompania tha se ka ndaluar edhe liderët e krahut djathtist si Paul Nehlen, Milo Yiannopoulos, Paul Joseph Watson dhe Laura Loomer, së bashku me llogarinë e websajtit të Alex Jones, e quajtur
Infowars.
Ndalesa të njëjta vlejnë dhe për shërbimin e Instagramit.
Mbyllja erdhi pas disa vërejtjeve të përsëritura lidhur me përdorimin e gjuhës.
Facebook thotë se llogaritë e ndaluara shkelin politikën themelore të tyre.
Kompania thotë se gjithmonë ka ndaluar njerëz ose grupe që shpallin “misione të dhunshme” në postimet onlajn, pavarësisht nga ideologjia politike. /tesheshi.com/
