Britaniku do të niset nesër i pari në garën e Sepangut, në përpjekje për t’u kthyer te fitorja e për t’u ringjitur i pari në klasfikimin e përgjithshëm.
Vendi i parë i Hamilton-it në provat zyrtare qe i pritshëm, pasi ai ishte dominues në prova. 1:32.850 qe koha e xhiros së tij më të mirë.
Pas tij mbërriti Rosberg, rivali në garën për titull. Megjithatë, gjermani shpreson që gjërat në garë të shkojnë më mirë për të.
Renditja më pas ka qenë tërësisht e rregullt. Në vend të tretë e të katërt në provat zyrtare janë renditur dy pilotët e Red Bull-it, Verstappen e Ricciardo.
Vettel e Raikkonen të Ferrari-t do të nisen nga vendi i pesë dhe i gjashtë. Perez e Hulkenberg të Force India-s do ta kenë nisjen nga vendi i shtatë dhe i tetë. Button e Massa plotësojnë dhjetëshen e parë.
Gara e gjashtëmbëdhjetë e kampionatit të Formulës 1 do të nisë nesër në orën 09:00. /tesheshi.com/
