Dhjetë minuta pas mbylljes së votimeve një Exit Poll i realizuar nga Klan Kosova, ka nxjerrë rezultatet e para jo zyrtare.
Shkëlzen Maliqi njeriu kryesorë i Exit pooll-it e ka nxjerrë fitues koalicionin PDK-AAK-Nisma me 40 për qind, derisa në vendin e dytë është renditur Vetëvendosje me 30 për qind, duke rrëzuar në vend të tretë LDK me 27 për qind
Maliqi ka thënë se në terren kanë pyetur 2500 qytetarë, ku 90 prej tyre nuk kanë dashur ta deklarojnë votën.
“Edhe firmat më të mëdha dështojnë për disa përqindje, andaj partitë duhet të priten rezultatet tjera. Marsha e gabimit mund të jetë deri 1.5 për qind. Në Kosovë asnjëherë me Exit Polle nuk kemi dështuar. Ky është rezultat në bazë të deklarimeve që personave që i kemi kontaktuar dhe se duhet të priten rezultatet finale nga KQZ-ja”, ka thënë Maliqi, për Klan Kosova.
Kujtojmë se mbi 1 milion e 872 mijë e 941 qytetarë me të drejtë vote sot patën mundësinë që të votojnë për subjektin e tyre të preferuar dhe pesë kandidatët për deputetë në përbërjen e ardhshme të parlamentit të Kosovës. /tesheshi.com/
