Dy eurodeputetët e caktuar si relatorë për Shqipërinë, socialdemokrati gjerman Kurt Flekenstein dhe konservatori sllovak, Eduard Kukan, të cilët kanë mbërritur në Shqipëri për të monitoruar ecurinë për reformën në drejtësi, deklaruan se Byroja Kombëtare e Hetimit duhet të jetë institucion i pavarur si nga qeveria, ashtu dhe nga Prokuroria.
Deri tani ka pasur dy variante për ndërtimin e këtij institucioni, i pari që të jetë pjesë e ekzekutivit që është propozuar nga PS-ja dhe që të jetë pjesë e Prokurorisë që mbështetet nga LSI-ja.
Për këtë problem pritet të shprehet edhe John Kerry, Sekretari i Shtetit të SHBA-së që ë dielën do të zhvillojë një vizitë në Tiranë.
Eurodeputetët Kukan dhe Flenkenstein kanë zhvilluar sot një takim me deputetin e PS-së Ben Blushi, për të mbledhur fakte mbi kritikat e tij ndaj Edi Ramës. Ndërkaq, sapo kanë drekuar me kreun e Kuvendit Ilir Meta dhe Kryeministrin Edi Rama në një restorant në Tiranë. Më vonë pritet të japin qëndrimet publike për vizitën e tyre në Tiranë.
/tesheshi.com/
