Kompania Moderna njoftoi një rritje në prodhimin minimal të vaksinave me 100 milion doza.
Në vend të planeve për të prodhuar të paktën 500 milion doza të vaksinës në 2021, Moderna njoftoi se kufiri i poshtëm i prodhimit do të jetë 600 milion doza, raporton Reuters.
Duke qenë se Shtetet e Bashkuara kanë nevojë për sasi të mëdha, kompania vendosi të investojë në pajisje të reja prodhimi dhe të punësojë fuqi punëtore shtesë me qëllimin për të prodhuar dhe shpërndarë një maksimum prej një miliard dozash këtë vit.
Deri më tani, 18 milion doza janë dorëzuar në Shtetet e Bashkuara si pjesë e një porosie totale prej 200 milion, dhe kompania ka nënshkruar gjithashtu një marrëveshje me qeverinë kanadeze për të blerë 40 milion doza.
Efikasiteti i vaksinës
Kompania farmaceutike amerikane Moderna njoftoi në fund të vitit të kaluar se vaksina e zhvilluar kundër virusit corona mund të ishte efektive dhe kundër formës së mutuar që u shfaq në Britaninë e Madhe.
Një deklaratë e postuar në faqen e internetit të Moderna-s, u tha se kompania farmaceutike besonte se vaksina ishte efektive kundër një forme mutante të virusit që po përhapet më shpejt, duke shtuar se testet do të kryheshin akoma për të arritur rezultate konfidenciale. /tesheshi.com/
