Ethet elektorale amerikane kanë përfshirë dhe realitetin civil në Bosnjë. Këtë të shtunë në Sarajevë u mbaj një tubim në përkrahje të kandidates Hillary Clinton.
Mbështetës të saj, sigurisht jo serbë nën moton “Vota e Sarajevës për Clinton”, nënshkruan një peticion ku ndër të jera thuhej se: “Ne, qytetarët e poshtëshënuar e Sarajevës, ne jemi me ju, Madam Sekretare e dashur! Së bashku jemi më të fortë dhe së bashku do të fitojmë!”
Mirza Hulusiç, organizator i tubimit dhe iniciues i fushatës, tha se mbështetja ndaj kandidates Clinton është shprehje e faktit se “Sarajeva është një qytet kozmopolit dhe qëndron krah për krah me të gjithë ata që luftuan për vlerat e qytetërimit.”
“Motivi im për të organizuar këtë fushatë është se familja Clinton, pra dhe Hillary, përbën një mik të madh të Bosnjës “, tha Hulusiç.
Ndërsa Murat Sabanoviç, një tjetër përkrahës i Hillary-t, tha se Bill-i ka ndihmuar Bosnjën që të heqë qafe fashizmit- referuar kashtu atij serb.
Por ndërkohë, të dielën, në Sarajevë Lindore është planifikuar një tubim në mbështetje të kandidatit tjetër, Donald Trump. Dhe siç merret me mend, nga serbët. /tesheshi.com/
