Futbollisti më i mirë në botë shumë lehtë mund të kishte përfunduar në skajin tjetër të Katalonjës. Kështu, ka deklaruar ish-trajneri i skuadrës së Espanjolit, Mauricio Pochettino, gjatë një konference për mediat.
Pochettino, tashmë trajner i Totenhemit, u detyrua ta sillte si shembull Lionel Mesin kur u pyet mbi transferimin e një tjetër futbollisti.
“Ne ishim shumë pranë nënshkrimit me Mesin. Edhe pse duket tani e pabesueshme, por ishte e vërtetë, ne ishim centimetra larg tij. Në atë kohë Leo luante tek të rinjtë e Barcelonës dhe ishte vetëm 17 vjeç. Ndërkohë ne i ofruam të luante për skuadrën e parë. Ishim shumë pranë, por transferimi nuk ndodhi kurrë,” ka treguar Pochettino. /tesheshi.com/
