Një fëmijë e moshës 2-vjeçare është shtruar me urgjencë në spital, pas problemeve shëndetësore që ka paraqitur. Sipas mjekëve, shkaku i problemeve qëndron në mënyrën shumë të rreptë të të ushqyerit të vogëlushes.
Ajo ka ngrënë ushqime që janë të gjitha vegjetariane, në të cilat mungojnë bazat për një shëndet të mirë për vogëlushët, siç është zinku, disa proteina, vitamina B12 etj. E ndodhur nën peshë, vajza ka marrë kujdesin e nevojshëm nga mjekët dhe me sa duket, kushte shëndetësore janë duke u përmirësuar. Ngjarja ka ndodhur në Itali.
Por, problemi i vërtetë qëndron në faktin nëse fëmijët duhen ushqyer apo jo me një dietë vegjetariane. Ndërkohë që janë të shumta mendimet dhe opinionet e publikut në lidhje me këtë çështje, mjekët pediatër tregohen mjaft të qartë.
Sipas tyre, kjo lloj mënyre e të ushqyerit ndikon në zhvillimin psiko-fizik të të vegjëlve, duke shkaktuar rënie të vlerave vitaminoze, në veçanti të vitaminës B12, apo edhe probleme më të rënda, siç janë ato me problemet motorike. /tesheshi.com/
